搜尋此站:

2006-11-04

The Last Name

尋晚去o左睇 Death Note: The Last Name, 一個字: 正!

松山研一依舊好 L, 藤原龍也某 d 神緒都同月有點, 不過略嫌頭太大同埋唔夠高大... 彌海砂好可愛, 典型日本妹o既感覺, 亦好有原著o既味道! 流克仲係好型, 雷姆o既"頭髮"似乎感覺膠了一點... 個人覺得松田亦做得唔錯~~

故事方面, 一如所料, M 同 N o既劇情無o左, 火口o既劇情仲o係度, 不過就改o左少少再由高田頂上. 都正常o既, 睇個靚女梗係好過睇o個個猥瑣阿叔! 成套戲總算忠於原著, 由人物性格到故事情節都係. 雖則有唔少地方同原著有出入, 但已經係兩個鐘頭電影版入面可以做到o既最好了!!! 亦如我之前所講同埋好多人o既諗法:「 L 今集必死無疑, 月又無理由唔死」... 編劇好野, 真係做到, 仲要唔係夾硬來, 佩服! 為免透露情節, 只可以講句, 我覺得事情發展到o個個地步, 原著o既 L 同埋月都係會咁做的, 好野! 某程度上, 電影版o既結局比漫畫版o既還好, 起碼無o左感覺好 dump 波鐘o既 M 同 N, 故事卻依然幾完整. 睇得出制方單位都係 DN 迷, 用o左唔少心思去構思點樣將咁多期漫畫濃縮到 4 個鐘頭o既電影入面, 唔係馬虎之作!

總括而言, DN 迷絕對唔可以錯過... 超正!!!

1 comment:

  1. "電影版o既結局比漫畫版o既還好"
    依句我十二分認同呢~~~
    合理之餘又爽快... 好正呀!

    臨尾以為L唔死果下真係好想搵人打,不過估唔到咁都俾個編劇諗到e個結局...
    佩服!

    by 正

    ReplyDelete

HTML Tags allowed (e.g. <b>, <i>, <a>)