搜尋此站:

2006-11-06

早晨~

先講番尋日, 同 lun 同婆婆去飲茶, 周不時可以咁都唔錯 :) 夜晚同 lun 去o左睇華仔 show. 雖則我唔係 fans, 但係真係幾好睇, 氣氛好好. 華仔抬頭舉足都有著天王o既魅力, 真係抵佢紅咁耐!

今朝早有功課要交, 8am, 作死...! 本來諗住早 d 做完委託o係 hall o既同學尋晚幫我交, 點知做唔切, 唯有自己交...! 尋晚返到屋企已經差唔多 1am, 攪下呢樣攪下o個樣已經 2am, 很累... 結果訓o左一陣. 較鬧鐘 4am 起身做埋份功課, 好彩起到... 用o左兩個幾鐘完成o左過千字o既 essay, 7am 即刻仆番 UST...

搭車時o係吐露港見到久違了o既日出, 需然都升o左大半, 但係依然係橙黃色~~ 幾靚... 因為塞車o既關係返到科大遲o左少少, 拿拿臨 print 埋出o黎拎去交... 之後落o左 LG7 食早餐... 8:xx am o既陽光加埋 LG7 早餐, 似乎係入o左科大三年幾以來o既第一次... 只前只有開完通頂 7:00 am 食早餐番房訓, 或者剛起身 3:00 pm o既下午茶~~ 睇下報紙, 食下早餐, 原來都幾嘆~

可惜後面o既o野一浪接一浪咁o黎...! -.-

3 comments:

  1. LG7 早餐...
    下個sem我一定要試下~~

    而家你會唔會覺得無住hall好唔方便?
    我諗緊下個sem住唔住好...

    ReplyDelete
  2. 真係好難試...

    最屈機係, 後來 TA o係下午三點幾話未交o既人都可以o係o個日內繼續交, 換言之個 deadline 去o左晚上 12:00...

    咁... 我做咩要趕頭趕命咁仆番去... 仲浪費o左我 70 大洋的士錢...!

    ReplyDelete
  3. 我有時都覺得TA太好人了
    以為都成日extend deadline...
    你應該投訴下...
    早交有bonus~

    ReplyDelete

HTML Tags allowed (e.g. <b>, <i>, <a>)