搜尋此站:

2006-10-28

報紙報導...

話說我o係科大 newsgroup 同 ENB post o左有關偷拍裙底事件之後, 尋日有一個生果日報記者聯絡我想拎多 D 料... 我無覆佢仲o係科大 newsgroup 表明唔覺得呢單o野除o左啅頭仲有其他值得報導o既地方, 所以唔會提供任何資料及接受訪問, 叫佢唔駛再聯絡我. 今日該報就刊登o左一篇「網民爆料:科大驚現偷拍狂」o既報導... 內容如下:
網 民 爆 料 : 科 大 驚 現 偷 拍 狂

熙來 攘 往 的 科 技 大 學 發 生 偷 拍 裙 底 春 光 驚 魂 , 一 名 聲 稱 目 擊 事 件 經 過 的 學 生 , 近 日 在 科 大 內 聯 網 和 網 上 多 個 討 論 區 廣 貼 通 告 , 呼 籲 同 學 小 心 一 名 六 呎 高 的 黑 衣 偷 拍 男 !
「 好 猖 狂 ! 女 仔 著 裙 小 心 啲! 」 發 現 偷 拍 賤 男 的 科 大 生 circle 前 日 在 hkteen 新 聞 組 講 述 事 發 經 過 , 事 發 早 上 11 時 30 分 , 當 時 一 名 穿 黑 色 上 衣 、 身 高 約 六 呎 的 男 子 , 在 扶 手 電 梯 偷 拍 站 在 前 面的 女 同 學 裙 底 , 「 見 到 個 男 仔 拎 住 個 電 話 伸 去 個 女 仔 裙 底 ! 我 呆 咗, 唔 識 反 應 。 」
circle 形 容 自 己 「 愈 諗 愈 後 悔 , 我 唔 能 夠 及 時 揭 穿 個 男 仔 既 惡 行 ! 」 在 網 友 提 議 下 , 他 將 事 發 經 過 在 校 園 內 聯 網 內 發 表 , 強 調 「 下 次 見 到 同 樣事 情 一 定 即 時 叫 停 佢 同 個 女 仔 講 ! 」 網 民 Kopa 透 露 : 「 科 大 最 近 多 好 多 咗 變 態 佬 , 好 多 人 成 日 用 電 話 影 女 同 學 。 」 科 大 學 生 會 會 長 李 諾 韋 相 信 今 次 只 是 個 別 事 件 , 希 望 校 方 可 以 增 加 保 安 人 員 加 強 巡 邏 。
今次總算無乜點樣加鹽加醋... 不過總要作出一點兒澄清:
  1. 我無o係"網 上 多 個 討 論 區 廣 貼 通 告", 我淨係 post o左係科大 newsgroup, 科大 ENB (就係佢所謂o既內聯網), CSIE 私人 newsgroup (佢應該入唔到) 同埋呢度 je... 似乎係其他人 forward 我篇o野去其他地方佢就入埋我數了
  2. 我唔係"呼 籲 同 學 小 心 一 名 六 呎 高 的 黑 衣 偷 拍 男"... 我只係"呼籲同學小心俾人偷拍" je... 斷估阿偷拍男唔敢再o黎掛, 再o黎都唔一定著黑色衫 la...! 再講淨係小心俾佢偷拍有咩意思, 唔駛小心其他人乎?
另外, 值得留意o既係報導中阿網民 Kopa... 佢本身好可能就係記者扮的... 佢尋日無啦啦出現o係科大 newsgroup, 淨係講o左句"科大多左好多變態佬, 好多人成日用電話影女同學". 完全無上文下理, 無 elaboration. 之前無見過佢, 之後消聲匿跡... 感覺有點想套料甚至造新聞... 實行o黎個自篇自導自演...

Anyway, 報紙報導下都唔係壞事, 起碼可以警告一下偷拍o個個人, alert 下其他同學, 引起校方關注都係好的.

後感:
  1. 而家 d 報紙成日都o係網上討論區搵埋 d 未經證實o既傳言o黎報導, 似乎有點兒不負責任...! 如果真係搵記者扮人套料甚至自篇自導自演更加係缺乏職業操守...! 全港每日發生咁多單偷拍事件, 有相有片o既多不勝數, 俾人即場擒獲甚至俾人拍底犯事經過o既都唔係無, 點解偏係要報導呢單無憑無據o既網上傳言...? 只因為「大學生偷拍裙底」夠啅頭 lor... 只要「啅頭」唔理係咪真係有新聞價值... 有點兒...
  2. 其他討論區有網友話我當時唔捉住佢, 而家 post 有咩用...? Sorry lor~ 真係呆o左, 反應唔切, 完全無預到呢 d 事會o係科大發生~ 我 post o係科大 newsgroup 同 ENB o既原因純粹係想 warn 下o個個偷拍男 (如果佢係科大學生) 佢今次無事只係夠運, 預著個唔識反應o既, 下次未必會咁好彩了, 收手吧~ 另外只係想叫大家小心 d 而已~
  3. Forward 我 ENB 篇野去其他討論區o既同學連我個 email 都 forward 埋, 想我被 spam mail 浸死乎? @@"

2 comments:

  1. i think you've done the correct things, as the offender may not be UST student. If you really tell the reporter about that, the reporter will surely draw to a conclusion that UST students are the offenders. And that time, our reputation(UST) will not be so good.
    The most important things is to catch that guy!!!
    Cheers!
    CDROM of the newsgroup

    ReplyDelete
  2. thx for your support. 我唔話理個記者主要係因為我覺得呢單野只會成為該報其中一單啅頭新聞, 對事件無咩實際幫助. 另外我個人對o個份報紙同埋o個位記者都唔太有好感. (我 Google 過該位記者o既報導...) anyway, 希望事件搞到咁大會可以造成一定阻嚇性 la~

    ReplyDelete

HTML Tags allowed (e.g. <b>, <i>, <a>)