搜尋此站:

2006-10-14

舊同學

近排超多野做, 晚晚都係訓得兩三個鐘, 今日o既 ELEC 堂就順理成章咁成為o左我休息o既好時機 (橫掂都聽唔明了... 遲 d 要俾心機追返喇... 唉..!) 訓o左一陣, 臨落堂o個陣半睡半醒咁等落堂.

科大o既堂成日都遲放, 下一堂o既學生經常咁樣衝入黎先見到上一常未完就走番出去. 今日堂 ELEC 遲o左 5 分鐘放, 臨放之前就係有一個人誤衝o左入o黎. 我本來都不以為然, 但總覺得佢有 d 面善. 正式落常之後佢再入番o黎, 我正想走o個陣同佢o黎o左個對望, 我突然覺得佢好似我一個中學同學... 我見佢都好似望住我, 咁我就同佢點個頭, 佢就應番我 --- 真係佢...!

估唔到o係科大入面見到簡爺~~! 數一數都有 4-5 年無見了. 之前舊同學o既 gathering 佢都無出現, 亦似乎無人知道佢o既近況. 一問之下, 原來佢上年 transfer o左入o黎科大讀 IELM, 今年 year 2~ 咁o岩我上年去o左 placement 所以見佢唔到~~ 相認之後, 詢問一下近況, 交換o左電話, 因為下一堂要開始o既關係我就走了~~

5C o既同學仔, 下次 gathering 可以叫埋簡爺呢~~

5 comments:

  1. 成日遲放?
    我成呢度經常早放
    其中一堂印度佬堂放12:50
    但通常佢12:30就放人
    所以約人食lunch都可以約早d~~
    呢度唔可以遲放的
    因為出面d人好準時咁樣
    50分就會衝入黎唔走
    好似迫professor走咁
    仲有...
    UST上1點堂
    1點永遠唔會齊人
    但呢度無人遲到的...
    1點堂d人一定會早5-10分鐘到~
    所以我覺得呢度d人真係超勤力~~~

    XDDD
    placement後返UST的確發現有d舊同學/朋友出現~ summer我都撞到幾個~~

    ReplyDelete
  2. 科大 CS 會早放o既應該叫有... Horner :P

    ReplyDelete

  3. 其實呢...
    簡爺原本係讀咩0既呢???

    ReplyDelete
  4. 上一個係我黎的

    Hong Ling上

    ReplyDelete
  5. 其實我都唔係好記得... :p
    好似係o係 poly 讀........?

    ReplyDelete

HTML Tags allowed (e.g. <b>, <i>, <a>)