搜尋此站:

2006-12-28

震斷了線

尋晚(26/12)係南亞海潚兩周年, 碰巧台灣附近又發生強烈地震(其實尋日黃昏時分澳洲附近水域都震o左一次), 震斷o左 6 條海底通訊電纜, 全港好多都地方都 access 唔到美國/台灣o既網站...
http://hk.news.yahoo.com/061227/12/1yx8u.html
地震毀電纜影響國際通訊
(明報) 12月 27日 星期三 10:05PM

台灣昨晚的強烈地震,令部分海底通信電纜受損,整個東南亞、歐洲和美國的互聯網和電話報務受到影響。

中國電信負責人表示,受強烈地震影響,中美海纜、亞太1號、亞太2號海纜、FLAG海纜、亞歐海纜、FNAL海纜等多條國際海底通信光纜發生中斷,中斷點在台灣以南 15公里的海域,造成附近國家和地區的國際和地區性通信受到嚴重影響。估計要完全恢復正常要至少一個星期,但會一天比一天好。

新浪網報道,中國大陸至台灣地區、美國、歐洲等方向國際港澳台通信線路受此影響亦大量中斷,國際港澳台互聯網訪問質量受到嚴重影響,國際港澳台話音和專線業務也受到一定影響。

台灣中華電信表示,昨晚的地震破壞了一條海底電纜,令台灣與香港、新加坡、馬來西亞(相關新聞 - 網站)及泰國的通信受影響。發言人表示,與中國大陸的通信亦被中斷,因為兩岸的通信是經由香港進行的。

本港部分互聯網用戶上網時,無法瀏覽部分海外網站,亦不能到訪台灣的網站,但部分台灣網站已於傍晚陸續恢復,但上網速度較慢。

香港的電盈表示,傳輸能力大約只剩下一半,影響了商業和家庭的網上用戶,暫時未知道何時才恢復,可能最少要幾天。

分析家稱,現時大部分的國際電信是依靠海底電纜,總值數以十億美元計,伸延至全球。從今次事件的影響可見,現代人極之依賴這種很脆弱的系統,有需要檢討。

突然間開唔到 Gmail, 去唔到 Google, 去唔到 Blogger, 去唔到 Xanga, 開到 ICQ/MSN 都無乜人上網, 好多人(包括我)o既生活好似缺少o左一部分咁... 現代人上唔到網果然真係幾大鑊... 晏晝試過經俄羅斯o既 proxy server 過美國 server, 得但係一來好慢, 二來唔安全, 所以都係無乜點上過網. 去到晚上服務先逐一恢復, 但比平時慢o左好多, i-cable 仲一定要靠佢個 proxy server 先睇到網頁, 為o左減低僅餘o既海底通訊電纜o既負荷吧~

正如上面單新聞所講, 呢個系統真係好脆弱, single point of failure, 有起事上o黎回復速度又慢, 似乎的確有需要檢討同埋準備多條後路.

不過事件最諷刺o既係, 好多人形容呢次大斷線係一個史無前例o既大災難, 但係始乎大家都忘記o左今次真真正正o既災難其實係地震... 個個關心o既都係通訊服務幾時先回覆正常, 對地震o既災情似乎興趣不大, 就連電視新聞都係先報導通訊服務受阻,後報導台灣地震災情... 或者o係好多人o既心目中, 今次地震o既災情的確好嚴重 - 因為上唔到網...

2006-12-25

Merry X'mas!!!

一年容易又聖誕~ Merry X'mas!!! HoHoHo!

22/12 下午原本約o左個客傾野, 點知佢成三日都無 reply 過得唔得, 咁我以為佢唔得閒咁加上當日行程密麻麻就索性 send 個 email 出去話 postpone la. 之後就出門口去幫朋友的朋友整電腦了. 點知出o左門口佢先 send 番封 email 來說 ok, 但係我已經將當日行程重新編排了... 其實佢 confirm o既時候已經係原定 meeting 時間前兩個多小時, 剛剛夠我o係屋企執野同埋去到佢 office 多少少 ja... 會唔會 reply 得遲得濟呢...? 仲攪到好似係我臨時甩底咁... hmm... 改o左 27/12 朝早, 但攪到我要下午先返得去 check COMP111 卷, 真係難為了 TA... 整完機就落o左旺角 join 迪 & PK 拎番早兩日 Holga 單車團o既相, 效果唔錯~ 過兩日 scan 完再 post~~ 可憐o既金迪部 holga 唔知出o左咩事, d 相 over 晒~ 我就覺得有幾張感覺 ok o架, 但係就當然 meet 唔到啊大攝影師o既 expectation la~ :p 至於 PK o個筒 135+Holga 感覺好正, 遲 d 真係要試下改裝先得~ 拎完睇完之後就落o左深水埗買 NDSL, 同細妹夾錢, 不過其實我好少有機會打呢 d 手提遊戲機(坐車我會 prefer 瞓覺), 都應該係佢玩多o架 la~ 無計 la~ 當聖誕禮物 lor~ 玩落都 ok o既. 黃昏就趕番返屋企食冬至飯, 見到好耐無見o既行仔, 又大個o左精靈o左~~ haa

23/12 同 lun 去o左沙田睇<<傷城>>同食聖誕魚餐, 好味~~ 環境又靚! 沙田新城市樓上, 大家有空可以去試試~ 其間俾人識破我o既大計, 我想講有時其實唔駛咁聰明 lor, 我想講有時知都可以唔好講 lor~! 算數~ 最緊要都係開心~ :D

24/12 係 7S 聖誕大爬地, 假劉明居舉行~ 今年攪攪新意思, 每人自備飾物禮物同食物~ 今年 d 食物確係豐富, 集中日意法泰港等等各式美食, 正! 不過係多o左一點! 尤其係個 $9 兩包o既意粉 (其實係幾好食o既). 仲有係o個個食完令大家o既戰鬥力大減 pizza... 值得一提o既係汶迪o既蛋糕同埋 tart, 色香味俱全, 超勁!!! 飯後o既娛樂有艾琪教玩排九, 感覺非常爛賭, 當差真係唔同 d... XD 爛賭兩姐弟都唔輸蝕, 大顯身手, 話咁快就玩得有板有眼. 不過排九真係好難玩, d 點數到我眼花! 不過總算學多o左一門手藝 :P 同場仲上演 Winning 聯賽杯, 少玩o既我成為被屈機o既對象 @@" 睇o黎我都要練多 d 波先得!!! Anyway, 得閒咁聚聚真係幾開心, 期待下次再聚~~

25/12 今日o既活動主要係瞓覺差電... hehe...

2006-12-22

Holga 單車團

今日去o左踩單車順便影 Holga, 又或者可以話係為o左影 Holga 走去踩單車... 踩o左一個下午, 雖然唔係好耐又唔係好遠, 都只不過係來回馬山至大埔海濱公園個篤而已, 但成日行下停下咁真係好費力... 踩o個陣唔覺太累, 踩完一落樓梯就知乃野... 加埋晚上行o左三個鐘, 對腳又累又痛, 累得要命, 痛得要命...

唔講咁多了, 瞓...

2006-12-21

手機相

突然間搵番之前用手機影o既相~~ Post 下先~~ Motorola E680i 內置相機, 得 30 萬像素, 唔好見怪... @@

唔係跟拍攝時間排列的~

上年某一日同同事去屯門燒野食:


某次 7S 於新街市大排檔 gathering:


某日o係筲箕灣放工+坐電車:



某次 PG2 gathering 玩到無o野好玩之韓燒煎蛋大法:


以前o係 invent center 摺o左幾日, 風景真係幾靚的, 仲有日落睇:



上年o係中大做 project o係上面個塔影番落o黎 (黃色o個個咩來, 好似唔係成日有...?)


唔知點解會影到, 一個人都無o既地鐵車箱:


Delifance 檸茶 (飲完的...) 而家唔會去了, 變o左 Bistro 之後太貴~


7S 生日聚會汶迪整貎似叉燒o既士多啤梨蛋糕, 但係好味~ 勁!


上年同今年一樣o既又一城聖誕樹:




仲有其他又一城裝飾 (未必同一日影的...)





上年公司 annual gathering 去迪迪尼:




最後有上年 7S 聖誕 gathering o既壓軸大抽獎獎品一覽:


不知不覺間 post o左咁多... 都 7788 了...
我發覺 7S o既 gathering 我成日都用手機影相的...
最近睇慣o左 holga o個 d 正方形相
而家睇番正常 dimension o個 d 覺得好似好 wide 咁...

Google Map HK

Google Map 終於有香港地圖了!!!

香港科技大學 (Hybid mode)


旺角 (Map mode)


不過有 d 錯...
"北區郊野公園"... (Map mode)


同埋而家仲未 search 到香港地址~
有待改進 :p
不過 anyway 已經唔錯~~
(今日先發現原來仲可以 mouse scroll button zoom in/out!)

考完試

今日考完試~~

來個總結, ECON150 感覺不錯, 如果個 TA 鬆手少少應該有 mean 的! 作為一個之前完全未讀過 Econ o既學生o黎講, 算係咁 la~~ COMP111 似乎有少少失手... 希望個 mean 唔好咁高 ba.... ELEC314 因為 open notes o既關係都做o左幾多, 但係其實份卷真係幾 straight forward 的... 如果個 mean 同上次差唔多, 應該有望 mean 的... 但係似乎個 mean 應該會再高少少...

COMP364 o係最後一日咁無聲無色地o係 ARRO 出o左 grade, 算係咁 la, 但係比 sem 頭定落o既目標低兩個 sub-grade... 問番 prof 原來我個 final 都有 86% 的... 算 ba... COMP362 都o係最後一日 check o左卷, 分數同我做完預計o既差唔多, 不過真估唔到個 mean 有成 7x 咁高.... 結果大抄... 剛剛 check o左, 出埋 grade, 果然係有屎以來最差o既一個 COMP, 由以前最差o既 B 跌一個大 grade 變成 C...

得閒要計計個 CGA/GGA... plan o下下個 sem 讀咩 course 了.... 本來諗住今個 sem 成日唔錯的話可以 take d 有興趣但唔好 grade 或者o既 course, 放肆一下... 睇o黎都係唔得 ka la... >.<

2006-12-19

好光++

今日終於為部好光添置o左新裝備, 買o左一個平價閃光燈, 終於可以o係 d 唔夠光o既時候影下 holga. 仲買o左一條 shutter 繩, 下次可以去再戰夜景~~

o個度個老闆娘好健談, 佢講起 holga o既製造商宇宙電子廠將會出一款專門俾 holga o既魚眼鏡, 係就正 la!!! 而家出面 d 人用o既其實係 for lomo 的, 要成 $4xx-$6xx, holga 一向係平價版o既 lomo, 如果真係出, 應該會平好多下~~ 如果唔太貴都真係要買o黎玩玩 la~~~

另外我今日仲見到一部要自己砌o既相機... 好似砌模型咁先o係塊膠牌到o拍落o黎再冚埋... 最神奇o既係真係入到菲林影到相... 只售 $40... 比好光更頹~~ XD 有興趣o既可以問我拎地址去買番部~ 送禮自用, 買o黎去 party 交換禮物都唔錯的 XD

2006-12-17

Final 中期戰報

直到呢一刻考o左兩科 COMP...

364 還可以, 明明識晒, 但唔知點解總有要 d 瑕疵... 似乎我都無乜考試運/技巧.

362 可以話係大抄... 預計將會o係有屎而來最差o既一科 COMP!

隨後三日將分別有 ECON150, COMP111 同埋 ELEC314. 150 要力挽狂瀾, 111 要力爭上遊, 314 要力保不失... 可見呢幾日我最需要o既係"力"... 生活將唔會好過... hmm

講住咁多先.

Shift + Del -> Enter

話說我平時 delete o野好鍾意用 Shift + Del -> Enter 唔經 Recycle bin 直接刪除... 用o左咁耐都未試過出事... 點知剛剛唔知做咩 delete 錯o左一個連我自己都唔記得係咩o既 folder... 無奈... 試過用 tools 去 check 番點知無結果. 唯有安慰自己話既然都唔記得係咩即係只係唔重要o既野... hmmm....

呢幾日考試, 但又偏偏無乜心情溫書... hmmmm.... 算啦, 都係聽日繼續努力...!

2006-12-14

近排好懶~ 懶到字都唔係好想打~~~

本來我習慣每晚都逐條 url 打去睇人地 d xanga, 事關可以睇埋個 xanga d design~ 不過呢個其實係一個好費時o既工序~~~ 終於我都係 subscribe 晒佢地睇算數了... @@" 不過... 我發現我唔係好識用 xanga 個 subscription... 真係高科技...!

可能係今晚飲得太多咖啡o既關係, 頭有點痛... 想早 d 訓...

流動戲票

之前講過o既 QR 碼終於進軍香港了!


話說尋日去買飛睇墨攻o個陣發現 Cityline 同埋 PCCW 合作攪o左個流動戲票, 用家可以用手機去o係 Cityline 網頁買戲飛, 交易成功之後如果選擇用流動戲票就會收到一個 QR 碼, 拎去戲院門口部 scanner 度 DO 一 DO, 就可拎到張收據入場~ 買完飛又可以直接用 MMS send 俾人~ 超方便的說.

不過有 d 潛在o既安全問題 (唔好意思... 職業病...), 據我所知手機訊息係無加密(encrypt)的, 即係話當 data (例如個 QR 碼..) 經手機網絡供應商o既網絡傳送時, 其他人有機會會睇到內容. 如果佢自己 print 番一張一式一樣o既 QR code 出o黎咪可以搶o左你張飛入場 lor! 手機o既無線訊號係 broadcast 的, 雖然經過 encode, 但應該都係無 encrypt 的. 其他人都可以從 broadcast o既訊號入面 decode 番你o既 data, 同有人 jam 你線差唔多 la~ 仲有o既係個 QR 碼入面o既資料如果冇經過加密就好容易假冒了...

另外, 個 system 其實仲有可以改進o既地方. 例如入門口o個個人其實可以有一部小型o既 scanner 去讀個 QR 碼, 咁咪唔駛專登去 print 收 receipt 出o黎俾佢睇 lor! 甚至簡單 d 可以將而家部 scanner 搬去 check 飛o個度... 節約用紙!!! 環保呀!!!

再試好光

Congregation o個幾日影的~ 剛剛先得閒 upload 番:







全部相: http://gallery.theorbis.net/
Holga o個個 album 入面~~~

諸事不順

近排真係諸事不順... 可能真係學 Donald 話, 咁耐都食唔到炸豬扒都係周身唔聚財... 我竟然犯下o左一個重大o既錯誤: 唔記得交 COMP111 o既 lab12... 咁就無o左 2.5% 個 final grade 了 (T.T)... 後補番, 不過應該佢會唔受了~ 真唔抵, 幾行 code only @@"

終於尋日番去交 ECON150 功課之後去o左食 tea, 竟然俾遇著久違o既吉利茶餐組合! 吉利豬扒+炸雞髀+肉丁米...! 吉利豬扒同炸雞髀仲要係新鮮出爐... 好味到呢~~~ 係熱氣o左 d d lor~~~~ 有說食麥記會蠢的, 所以考試其間千祈唔好食~ 呢個吉利茶餐組合可以令我o既考試吉吉利利就好了 :D

2006-12-11

ZZ Gundam

知唔知咩先係真正o既 ZZ Gundam?

當我正想去瞓o既時候阿洲 send o左 d 咁o既野俾我:








實在無言... 連體怪嬰...

不過老實講, 變o左飛機之後算幾型的... 但係第二幅, 唔知點解有 d I Love You Boyz o既感覺... =.="

2006-12-09

昏睡十九小時

呢幾日超眼瞓!!! 唔知點解成日都 hea 都半夜先開始做功課... 星期四晚更攪到 4:30am 先開始做 LANG poster, 結果當然係無瞓過... o個日眼瞓到連 ELEC314 o既功課都係求其做少少就交了, 好彩唔係佔太多 percent... 返到屋企後七點幾近八點, 飯都無食就走去瞓, 一起身已經係第二日o既下午三點了, 瞓o左成十九個鐘... 都算係破晒紀錄... 不過好爽~ 亦都好肚餓...

尋日 Fall sem last day, o黎個總結... 今個 sem 都可謂一波多折...

學業方面... 明明科科o既分數都唔低, 但係成績就唔太好, 362 更有 8x/100 都 below mean o既創舉... d 功謂同 project 更係驚險萬分... 先係 COMP362 project 交o左個 corrupted o既 zip file 去 CASS, 幾日後先發現... 同 TA 講佢要求我證明我無改過, 慘就慘在我的確改過... 我諗住橫掂份功課都交o左, 咪諗住試下改到個 FTP server/client 可以同正常o個 d 溝通 lor~~~ 點知份功課又交唔到, backup 又無 (交o個個 zip file 咪 backup lor, corrupt o左 ji ma...) 結果好彩 TA 信我照比我交, 不過要硬食 25% marks deduction, 結果 full mark 都係得 75 分... below mean 0.4 分 (SD 35 分)... 其後 364 功課更係驚險, 話說我又做到好夜(其實又係好夜先開始做...), 本來諗住瞓一兩個鐘先返學, 點知一瞓就瞓到 11:10, 份功課 12:00 落堂前要交... 即刻起身飛的返 UST, 食o左我 $238 大元... 無計, 份功課佔 10% total mark, 無o左足足夠我拎 C/D 了~ 點知返到去都係趕唔切, 又搵唔到 prof/TA... 結果要放份野係 TA 枱面再 send email 去解釋... 結果好彩 prof 都肯收...

工作方面... project delay 又 delay, 又請唔到人幫手 ~.~ 不過好在真係學到好多野~~~~

健康方面... 大病無乜, 小病就一時時 la~ 主要係唔夠瞓!!!

財運方面... 本來有份 part time 加埋 placement o既收入應該幾 happy 的, 但係經常要飛的 (LANG 已經試唔少了)... 好肉痛呀~~~

愛情方面... 咪又係咁, 叫做穩穩定定 lor... 不過各有各忙 ~.~

其他方面... 好唔滿意 LG7 下午茶成日無炸豬扒, 仲成日聲稱之前o個日有..........

唉~~ anyway, Fall sem 已過去, 希望 Final 醒醒定定~ 下個 sem 唔好咁灰, LG7 出多 d 炸豬扒...!

2006-12-08

偶遇

今晚去完奧海城開會後落旺角搭 270A 返屋企, 點知o係巴士上面見到佢~ 睇返之前o既日記, 原來差唔多一年前又係o係 270A 上面遇到佢~ 哈~~ 真橋~~ 同上次一樣, 佢應該見唔到我 (我坐最後排, 我都係上o左車一排先見到佢), 都係同男友一齊, 應該仲係上年見到o個個掛, 都好~ 咁即係佢地應該幾 stable~ 本來諗住打個招呼, 不過一來費事做電燈膽, 二來唔知人地男友會唔會 mind, 三來驚咁耐無見無乜話題, 所以就算數了~~ 有 d 野都係活o係回憶中比較好~

見番佢又令我諗起小學o個 d 日子, 簡簡單單o既生活真係好開心~ 諗諗下發覺好多以前o既死黨而家都好少見面 lu, 有 d 仲直頭失晒聯絡... 本來有部份我仲有佢地o既 ICQ, 但隨著 d 人慢慢轉 ICQ account(唔知點解以前好興周不時轉下, 但我就由始到終都係用o個個), 隨著 ICQ o既沒落, 加上今年年初我張 contact list 大抄無o左 3xx 人事件, 小學同學o既 ICQ 只得番一兩個仲會聯絡, 真係會見面o既就更加少之又少 la~~~

umm... 童年o既日子真係令人懷念呢~~~

2006-12-07

笑話大雜匯

今日聽o左好多無聊笑話... 有 d 好好笑 , 有 d 聽完會滴汗... just paste here for record :p

甲:巴斯光年殺左條龍之後變左咩?
乙:唔知bo???
甲:殺龍巴斯

廚房入面.......有一件午餐肉同一件火腿,件午餐肉俾人煎o左
午餐肉話:"你睇我,成身都係油呀~~~ "
火腿話...............
"做乜你識得講o野o架?!?!"

有個人o係辦公室成日放響屁
同事忍唔住話:你可唔可以唔出聲?
然後就見佢坐o係度搖黎搖打冷震
同事就問:做乜呀你?
佢話:我較左做震機

老師叫同學們畫畫
落堂時,小明只交了一張白紙
老師 : 你幅畫叫咩
小明: 牛吃草
老師: 咁草呢
小明: 被牛吃了
老師: 咁牛呢
小明: 牛吃完草走了
老師:!@#$%^&

駱駝母子有一天係度吹水......
駱駝小弟:「媽媽,我們的腳咩原因有厚厚的蹄啊?」
駱駝媽媽:「傻孩子,那是為了我們在沙漠中方便行走ㄚ。」
駱駝小弟:「咁又咩原因我們的皮也這麼厚ge呢?」
駱駝媽媽:「咁樣先吾會係沙漠中曬傷嘛。」
駱駝小弟:「喔..咁我們背上個兩駝野又係做咩ge呢?」
駱駝媽媽:「因為沙漠中水源很少,所以用來儲存水份好渡過沙漠啊,仲有問題嗎?」
駱駝小弟:「原來如此,咁媽媽,我地係動物園做咩?」
駱駝媽媽:「............。」

點解莎士比亞成日戴住條粉紅色o既腰帶?
因為佢條褲鬆

聘請街招上寫著「識打字、懂電腦、精通兩種語言,應徵者機會均等」的字樣。
一頭狗看後去應徵,經理以牠是一頭狗為由而拒絕,
狗指著「應徵者機會均等」抗議。
經理說:你懂打字嗎?狗立即打了一封信。
經理再說:你懂電腦嗎?狗跑到電腦前寫了一個程式。
最後,經理說應徵者須懂兩種語言,狗立即抬起頭向著經理「喵」了一聲。

2006-12-05

螞蟻襲地頭

紅色警戒!!! 近日大量螞蟻攻入o左我屋企!!! 佢地行蹤飄忽, 神出鬼沒, 仲經常集結o係 d 陰暗位... 尋晚我正想訓o既時候o係我間房發現小蟻三四隻, 本來不以為然, 點知之後越搵越多... 一瞬間佢地又唔見晒... 我四周圍搵佢地, 一拎開個座枱電話, 竟然發覺有十數螞蟻聚集, 佢地隨即四散, 好快又唔見晒了. 因為該處非常接近我張床, 我決定o黎個地顫式搜索睇下係咪有 d 咩死o左引o黎咁多螞蟻... 搞到四點幾結果無功而還... 執番好 d 野, 諗住去訓, 點知俾我發現廁所洗手盤有大量螞蟻, 數量多得驚人... 我即時開水浸死佢地, 總算為尋晚o既行動帶o黎一 d 成果... 不過後遺症係... 今朝好眼訓, 唔知醒上堂...! >.<

2006-12-02

我.受.夠.了!

我真係再頂唔順我個 Wireless LAN router... 頂, 勁多 noise, 去到我間房 signal 勁弱, SNR 長時間細過 -80dBm, 有時仲細過 -90dBm... 慢我都忍佢, 但係佢狂斷線...................

呢幅圖可以清楚咁見到客廳, 飯廳同埋我間房 singal 強度o既分別...


妖! 咁點做野呀!!! 再咁落去我一定會痴線!!! 下星期得閒要去買過個...!

2006-11-30

摺 lab

聽日交 362 project, 今晚摺 lab~~ 其實個 project 唔係好難做, 只係太 hea, 而家都未開始做...

好耐無一嘗摺 lab o既滋味了~~~ 不過今次有 d 唔同, 今次摺o既係 lab 2 - Linux lab~ Year 2 o既時候一定唔會有人摺呢個 lab, 事實o個陣仲係行緊 Solaris, keyboard mapping 唔o岩之餘部機仲要超慢... upgrade o左之後似乎多人用o左, 而家除o左我之外仲有 7 個同學仔o係 lab 2~ 多o左人用 Linux, 都真係幾好~

其實而家 Linux lab 真係幾好摺, d 機又快, Linux 入面做o野又無以前咁麻煩~ 上網, 收 email, 開 ICQ/MSN等等一般常做o既野都可以好 handy~ 今日 hea o左咁耐其實就係 set 番靚個 environment, 不過可惜佢用 KDE, 無得用 GNOME 2... Compile o左個 GAIM o黎 用, 整好晒 run 到先發現原來開 MSN 要埋 SSL support, default o個個 GAIM compilation 又無~~ 結果又要 download 多幾個 library o既 source 番o黎 compile... 之後嘗試 compile 埋個 account-tab plugin, 不過 lab d 機無 gtk o個 d header file 所以放棄了... 之後搞個 thunderbird, 唔知點解唔可以經 proxy 睇 newsgroup... 再之後因為 Firefox 同 Thunderbird 入面打唔到中文所以要搞搞個 scim... 搞下搞下又兩點幾了~~

完成埋我o係 Linux 打第一個 blog 後, 又係時候繼續努力了~ :p

俾 d screenshot 大家睇睇~



2006-11-28

C Programming

Just read an article entitled "Die, C, die! 5 reasons to UN-learn C", in which the author tried to discourage developers from using C.

Somehow I agree with him, C is really one of the dirtiest programming languages I have ever met. The pointers allow direct access to the process memory so freely that those constraints defined in the language is useless. Not only C itself is dirty, but also the C programmers. They like to use fancy ways to write their codes and make excessive use of those so called "optimization tweaks" (as mentioned in point #4 in the article) to make their programs run a little bit faster. Source codes become very unreadable. However some programmers really enjoy the dirtiness of C. Sometimes I am one of them. Recalling the time and effort I have spent on making my codes a few lines shorter and run a few milliseconds faster, even when I am in a big hurry to meet the deadlines of submitting the homework assignments. Ha... really a funny time. I also enjoy the craziness of those submissions to the IOCCC. Those authors are really crazy, if you know C programming, and have plenty of time, do go to the official website and read some codes, and your will probably get a "O"-mouth.

Yet C and C programmers are so dirty, I still think C is one of the programming languages that every real programmers should know. You will get a much better understanding to programming if you can manage C well. You will also be able to learn those "modern" programming languages like C# and Java faster with the C background. Just try to avoid the dirty stuff you learned from C programming, it is really no harm to keep them as part of your knowledge. Anyway you cannot un-learn them like deleting files in a computer. Once you learn something, you know it.

2006-11-26

今個 sem 被屈機...

出o左 362 midterm 2 結果... 81/100, 哈~ 但都係 below mean... 頂...

今個 sem 唔知攪乜, 明明好多科都識, 考試仲好淺, 但係幾乎科科都未如理想... 最唔明o既係點解 362 兩次 midterm 都係 8x/100 都可以 below mean... 剛收到 364 Final o既通知... 3 個鐘 o既 final 變成 90 分數o既 quiz, 仲要 open book... 可以帶任何 hard copy... 睇o黎 level 同上次o個個得 10 條超淺題目o既 midterm 差唔多... 好令人不安...

真係唔太鐘意 d midterm final 太淺... 太淺只會變成鬥小心鬥好運... 做呢類型o既卷好累的... 寫錯少少分分鐘可以差一兩個 SD... 咁又有乜謂呢... 唉...

20061126

今個星期比較多野做, 無乜點寫 blog~ o黎個 summary~

上星期日係影畢業相日, 先返o左科大同 5C 同學仔影相, 再落 hall 搵 hallmate, 再趕出 poly join 番 5C 同學仔, 之後再o係 poly join 埋 7S 之友影過. 行程緊迫, 不過都值得~~ 見返好多好耐無見o既朋友仔. 仲見番溫 sir 同鄧 sir~~~ 佢地兩位都算係我甲寅生涯入面最重要o既幾位老師之一了 :) 影完相出o左尖咀食壽司, d o野食中規中矩, 不過價錢上真係抵到爛... 半價 bo~~~ 當日仲用好光影o左 d 相... 不過白痴地唔記得o左用緊 6x4.5 o既框框, 當日企最邊o既人可能... 會無o左半塊面... 好光果然係次次新奇, 你永遠唔會 expect 到個結果係點... @@" Anyway, 仲有半筒未影完, 影完晒埋先 post ba...

之後o個幾日都係忙下功課忙下 part time 咁. 咁o岩 part time o個度接o左個大 project 做 penetration test, 所以二三四o既主菜都係做 pen test... 其實 part time o個度真係幾多野做, 半工讀果然係辛苦的... 不過無計, 鬼叫自己有興趣. 老闆仲要咁睇得起我地, 機會確實難得~~

星期五晚去o左同 lauming 華姐的生日聚餐~ 打邊爐~~~ 多謝華姐同埋阿細帶俾我地無限歡樂~

星期六同 hallmate 出o左去一個頹爆玩具展, $25 入場費真係唔抵到爛... 老實講兆萬皆旺比佢更有資格稱為玩具展... 慘就慘在我地一行幾人仲要去番旺角行玩具店... 強烈對比之下, 我地專登過海睇個咁o既展覽o既行為更顯笨x... 晚上搵o野食搵o左好耐終於去o左一間服務態度其差o既火窩店 (無錯... 又打邊爐...), 落單慢加o野食少加 d 待應唔應人, o係正面前都可以扮聽唔到. 叫佢加水叫到燶底都無人加, 之後水剛剛滾無耐又走o黎加水 N 次... 唯一值得表揚o既係o個位部長級人馬, 全場似乎得佢一個係做緊野, 執枱帶位加水落單俾人插一腳踢, 做到佢呔到鬆晒西裝都跌晒膊... 佢當時o既樣同剛剛俾人強姦完o係後巷走番出o黎無乜分別... 我地好同情佢, 但係... 呢間o野似然要 black list... 為免間野轉個名又一條好漢, black list o既將會係:「創興 6 樓火窩店」

今日主要係 hea 同埋休息. 無乜建設性o既野做過... 不過淨間要開始 KO 少少屯積已久o既功課同埋 project...

2006-11-21

多想瞓陣 deadline卻弄人

從人地的 blog 見到的...
實在太正了...
改編歌詞轉載 《計得太遲》
調寄:《愛得太遲》
改詞:中大物理系某學生

你與我 也溫書 溫到沒趣
計計數 今晚又 沒有進睡
唔識in in錯左 又重頭做過 都算on居

日夜做 assignment 多麼頂癮
佢笑說 計得到 可撰論文
而tensor 好惡哽 是從來未教 卻又教得深

最心痛是 計得太遲 有些功課 不可等某個日子
盲目地計數 忙忙忙猶如白痴
讀幾個禮拜 已發現就快痴線
最可怕是 阿保有陣時 到底點計 根本方法也未知
難題極放肆 冇野佢覺得out syl.
哪怕你sem尾final會炒 C與D也許是恩賜

我也覺 我mid-term 分數下降
個個說 呢個sem 是這樣忙
成班friend 想唱k 但仍然未去 功課甚趕

日夜讀 記公式 都應該夠
佢卻說 佢出grade 使你勁愁
連星風 都覺得 未能捱下去 已就快早抖

錯得太易 計得太遲 我怎想到 mid-term炒到那樣子
盲目地計數 而難題如何認知
下一次遇上 卻發現未算相似
最深奧是 志輝有陣時 跳step一次 d都d了兩頁紙
難題極放肆 冇野佢覺得out syl.
佢說過derive都不算好 一野估中先至最合意

交卷那一剎也只得苦笑 不得了
何以自覺讀過不少 但試卷 出到何其微妙
多想瞓陣 deadline卻弄人 太多功課 每天都要我著緊
人人在發奮 想起U grad. 多興奮

但功課未計 計兩晚冇得好瞓
我知我笨 我不過是人 要跟得上 也許需要更用心
然而又擔心 計數計到腦抽筋
每晚也面對這盞枱燈 只盼一切不是蚊瞓


雖則有 d 人名唔係太o岩用, 但成首歌o既主旨其實幾適合科大人的...

2006-11-19

Spyware Seminar

今日去o左 HTCIA o既 Spyware Seminar, 佢地請o左兩個台灣o既講者番o黎講 spyware o既o野. 原本以為會好頹, 點知一 d 都唔頹...! 由 spyware 點樣隱藏自己, 點樣 attach 其他 process, 點樣避過 anti-virus/anti-spyware o既 detection, 去到點樣 reverse engineer 個 spyware 去 analysis 佢o既 behavior 都有講到...

第一個講者原本係一個 spyware developer, 後來「從良」改行 detect spyware... 似乎出名o既 hacker 都從良了... 唔通呢個就係 hacker 們o既一條出路? 第二個講者初頭講得有 d 悶, 但係去到後期 live demo reverse engineering o個陣真係嘆為觀止... 今日真係學到唔少o野...! 不過, 由於太早起o既關係, 好眼訓...

真係知道得越多, 就越覺得用電腦真係好唔安全... 有時無知的確係一種福氣, 起碼唔駛 concern 咁多...!

2006-11-15

校長廚房

尋日係科大 15 週年校慶o既大日子... 本來諗住帶埋好光番去影相, 點知因為遲o左起身而錯過了...!!!! 可惜可惜... >.< 校長仲親自用液態氮炮製雪糕...! 呀~~~~~~~~~~~ 錯過了....!!!!!!!!!!!
http://hk.news.yahoo.com/061114/12/1wed3.html
科大15周年 朱經武炮製超導雪糕
(明報) 11月 15日 星期三 05:10AM

【明報專訊】科技大學校長朱經武利用液態氮創出攝氏零下180度的「高溫超導」的研究,技術原來還可製作士多啤梨和朱古力雪糕。科大昨日舉行15周年校慶慶典,朱經武身穿圍裙、頭戴廚師帽主持「校長廚房」,炮製「高溫超導雪糕」。被問及做雪糕還是做實驗難,忙得「大汗疊細汗」的朱校長說﹕「還是做實驗難。」

液態氮製雪糕 靈感源自瑞典

別人製作雪糕時,雪糕機是必備的工具,昨日朱經武做雪糕,除了基本材料如奶、糖、士多啤梨和朱古力碎之外,卻只有一大罐液態氮。朱經武拿覑一支大木杓攪拌器皿內的材料,助手加入液態氮時,器皿即被大片白煙籠罩,似在做實驗多於做雪糕。

朱經武製做雪糕的獨步單方原來來自瑞典,朱校長今年5月於當地吃飯時,有人即席表演用液態氮做雪糕,他靈機一觸,9月在美國西雅圖參加高溫超導體會議時照辦煮碗﹕「反正都是與低溫有關﹗」液態氮是可吃的嗎﹖朱校長解釋﹕「液態氮一釋放出來便會變成氣體,所以吃不到。」

雪糕搶手 陳祖澤歌聲掀高潮

校長雪糕昨日出爐後瞬即被搶購一空,各人大讚味道好,還爭相與朱經武合照和索取簽名。慶典的另一高潮,是科大校董會主席陳祖澤唱中文和英文版《襌院鐘聲》,功架十足,贏得熱烈掌聲。

校長真係好 nice 呢~~~

Endless Death Note

又係 Death Note... XDD

剛剛見到一個 page, 入面有幾幅 death note 的同人漫畫~ 有可愛o既 Q 版同埋攪笑o既鳥山明風... 笑死了 XDDDD

Q版:


鳥山明風:


轉載自呢度:
http://dn4.fc2web.com/pict/death_note.htm

另外仲o係其他網見到月同 L 親熱版......... 汗............. 小弟實在唔識欣賞............

2006-11-13

Photo

近排鍾意o左影相, 一有相機o係手就係咁影~~~ 呢幅係上星期四參加 lun 的 H&SS Dean's Award (勁!) 頒獎典禮o係一個讀o左科大三年都未去過甚至未聽過o既地方影的... 再用一個叫做 AutoStitch o既 program 整幅 pano 出o黎, 效果唔錯 :P

只係... 空氣質素認真麻麻...

2006-11-12

Midterm 戰果報告

第一次 Midterm o既結果終於出晒.

達到期望o既只有 COMP111 同 ELEC314. 其中最開心o既係 ELEC314 有 MEAN!!! keep 住就得了!!! COMP364 半失手, COMP362 似乎都麻麻... 總之就達唔到標 la... ECON150... 唉... 估唔到死o係呢科手上... 原本用o黎頂住 ELEC314 o既 COMP111 而家要用o黎頂住 ECON150, 仲難頂o左呢... 四個 credit...

o黎緊o既星期四 COMP362 第二次 midterm, 內容一半係 COMP364 的... 不容有失...!

ELEC314 脫離放棄狀態, ECON150 要加好多倍努力, COMP111 更加係不容有失, 否則就頂唔住 ECON150 了... 另外兩科 COMP 都係俾多 d 油幫手頂一頂... 以後o既日子... 似乎會好忙碌呢...!

同學們的畢業禮

前幾日係科大第十四屆畢業禮, 同我一齊度過三年大學生涯o既同學們終於畢業了~

因為去o左 placement o既關係, 我出年先畢業. 佢地畢業之後就得番我地去o左 placement o既一班 year 4 老餅相依為命了~~ 感覺很冷清呢. 雖則現時o既 year 3 同學仔都好玩得埋, 但係始終無一齊奮鬥三年o既同學仔咁熟~~~ 回想起, 大學識o左唔少朋友, 但始終都係 CS O'camp 同埋 Hall o個班最熟~~ 所以話點解 O'camp 同埋住 Hall 係大學生涯入面唔可以缺少o既一環了~~~

佢地畢業後, 各有各忙, 唔知幾時再有機會約埋出o黎玩呢~~

2006-11-11

世界紀錄

塞蛇入口, 1 分鐘內穿最多底褲, 連人帶球滾落山, 串連最多胸圍...
d 世界紀錄真係越來越攪笑... XD
大家得閒都可以去搵 d 破下... XDDD

http://hk.news.yahoo.com/061110/12/1w6wg.html
18國家齊齊破世績
(明報) 11月 11日 星期六 05:05AM

【明報專訊】全球18個國家周四分別舉行不同活動打破世界紀錄。法國有千人接吻 大會;意大利做出最長薄餅;南非更有人把15萬胸圍串連起來,可說是最多世界紀 錄刷新的一天。

法國1188人齊接吻 美漢咬10蛇

法國巴黎拉德芳斯大廣場有1188人一起接吻5秒,創下最多人同時接吻的新健力士 世界紀錄。參加者不止有情侶,也有家人、朋友、同事,甚至是陌生人。

另一邊廂,美國紐約男子畢比把10條活生生的響尾蛇塞入口,創下紀錄。澳洲一名 天文台播報員亦成功在1分鐘內穿上18條底褲,較舊紀錄多一條。阿德萊德的9歲童 1分鐘青蛙跳60次,打破舊紀錄的39次。新西蘭人科爾韋以時速52公里連人帶球滾 落山,創最快紀錄;意大利則做出全球最長薄餅;英國4名泳手1分鐘內不停旋轉 「芭蕾舞腳」,同樣創下紀錄。

一批南非人蒐集了15萬個胸圍,將它們串成長鏈,打破塞浦路斯114,782個胸圍鏈 的舊紀錄。另外,加拿大多倫多有1681名兩歲至95歲的男女列隊跳舞。科威特、挪 威、巴西等地亦創下蒐集最多玩偶等紀錄。健力士紀錄大全編輯格倫迪說:「今天 可能有數以百計的紀錄被打破。」

英國廣播公司/法新社/衛報/新華社

2006-11-07

地球先生的故事

幾年前o既電視廣告...


近年天氣反常, 睇o黎地球先生真係病得幾嚴重...
可憐o既地球先生...

天涼好過秋

而家朝早同入夜後天氣開始轉涼了~
大家要小心身子哦~

秋天到了. (終於)

2006-11-06

又o黎 Death Note

剛剛o係 AM730 見到一篇 Death Note: The Last Name o既影評... 佢話夜神月o係權力令人腐朽o既例子, 而現實世界入面: 「流克仍會向世人扔下權力筆記, 一個個的夜神月會繼續在各方各處出現,只是在這個金年代, L類郤是買少見少了......」

月係咪因為權力變成腐朽我就唔係好清楚, 始終佢都聲稱佢係為世人著想. 到底佢係真係為世人著想定係只想為成新世界o既神我就唔知了. 不過佢之後o個句真係幾贊同.

不過筆者仲將寶島阿扁比為夜神月... 唔好咁 la... o個個死蠟頭怪...! 邊有月咁醒... 妖!

早晨~

先講番尋日, 同 lun 同婆婆去飲茶, 周不時可以咁都唔錯 :) 夜晚同 lun 去o左睇華仔 show. 雖則我唔係 fans, 但係真係幾好睇, 氣氛好好. 華仔抬頭舉足都有著天王o既魅力, 真係抵佢紅咁耐!

今朝早有功課要交, 8am, 作死...! 本來諗住早 d 做完委託o係 hall o既同學尋晚幫我交, 點知做唔切, 唯有自己交...! 尋晚返到屋企已經差唔多 1am, 攪下呢樣攪下o個樣已經 2am, 很累... 結果訓o左一陣. 較鬧鐘 4am 起身做埋份功課, 好彩起到... 用o左兩個幾鐘完成o左過千字o既 essay, 7am 即刻仆番 UST...

搭車時o係吐露港見到久違了o既日出, 需然都升o左大半, 但係依然係橙黃色~~ 幾靚... 因為塞車o既關係返到科大遲o左少少, 拿拿臨 print 埋出o黎拎去交... 之後落o左 LG7 食早餐... 8:xx am o既陽光加埋 LG7 早餐, 似乎係入o左科大三年幾以來o既第一次... 只前只有開完通頂 7:00 am 食早餐番房訓, 或者剛起身 3:00 pm o既下午茶~~ 睇下報紙, 食下早餐, 原來都幾嘆~

可惜後面o既o野一浪接一浪咁o黎...! -.-

2006-11-04

The Last Name

尋晚去o左睇 Death Note: The Last Name, 一個字: 正!

松山研一依舊好 L, 藤原龍也某 d 神緒都同月有點, 不過略嫌頭太大同埋唔夠高大... 彌海砂好可愛, 典型日本妹o既感覺, 亦好有原著o既味道! 流克仲係好型, 雷姆o既"頭髮"似乎感覺膠了一點... 個人覺得松田亦做得唔錯~~

故事方面, 一如所料, M 同 N o既劇情無o左, 火口o既劇情仲o係度, 不過就改o左少少再由高田頂上. 都正常o既, 睇個靚女梗係好過睇o個個猥瑣阿叔! 成套戲總算忠於原著, 由人物性格到故事情節都係. 雖則有唔少地方同原著有出入, 但已經係兩個鐘頭電影版入面可以做到o既最好了!!! 亦如我之前所講同埋好多人o既諗法:「 L 今集必死無疑, 月又無理由唔死」... 編劇好野, 真係做到, 仲要唔係夾硬來, 佩服! 為免透露情節, 只可以講句, 我覺得事情發展到o個個地步, 原著o既 L 同埋月都係會咁做的, 好野! 某程度上, 電影版o既結局比漫畫版o既還好, 起碼無o左感覺好 dump 波鐘o既 M 同 N, 故事卻依然幾完整. 睇得出制方單位都係 DN 迷, 用o左唔少心思去構思點樣將咁多期漫畫濃縮到 4 個鐘頭o既電影入面, 唔係馬虎之作!

總括而言, DN 迷絕對唔可以錯過... 超正!!!

2006-11-03

FON - WiFi 分享社群

剛剛發現o左一個叫做 FON o既無線網絡分享社群. 佢o既 idea 係將 member 自己o既家用寛頻分享出o黎俾其他 member (叫做 "Foneros") 用, 咁所有 "Foneros" 去到邊都可以用無線網絡上網了.

跟據 FON 的英文網站中的 What's FON 所講 (中文版o個個講得好亂...), 總共有 3 種 member type:
Foneros are members of the FON Community. There are actually three types of Fonero:
  • Most of us are Linuses. That means that we share our WiFi at home and in return get free WiFi wherever we find a FON Access Point.
  • Aliens are people who don’t share their WiFi yet. We charge them just €/$ 3 for a Day Pass to access the FON Community.
  • Bills are in business and so want to make some money from their WiFi. Instead of free roaming, they get a 50% share of the money that Aliens pay to access the Community through their FON Access Point. They can also advertise their business on their personalized FON Access Point homepage.
簡單o黎講 member 可以"分享"同埋"使用" FON o既接入點, 只係"分享"o既叫做 Bill, 只係"使用"o既叫做 Alien, 同時"分享"同埋"使用"o既叫做 Linus. Alien 要俾錢去用 FON 接入點, Bill 透過"分享"換取收入, Linus 透過"分享"換取免費"使用"o既權利. 要成為 Bill 或者 Linux, 只要俾 HK$39 買個佢地o既 WiFi Router (叫做 "La Fonera")就得了.

我覺得呢個 idea 幾好, 起碼唔駛再迫住o係咖啡店用o個 d 勁貴o既網X行無線上網服務... 不過我有以下o既 concern:
  1. 保安問題... 作為一個用家, 你所有資料都係透過人地o既 network 去傳送, 有心人要從中截取你傳送o既資料無乜難度... 作為一個分享者, 人地可以隨時 access 你o既 network, 話就話經過o左佢提供o既 "La Fonera" 去 form 一個類似 VPN o既網絡, 理論上係同你o既 network 分開的, 但... 始終有 concern...
  2. 設定問題... 如果我已經有一個 router, 係咪一定要用 "La Fonera" replace o左我而家o個個?
  3. 責任問題... 佢要求你 7x24 咁開住 "La Fonera" 俾其他人用, 如果我因為某 d 原因做唔到咁點算? 舉個例我個寬頻壞o左, 又或者我唔想開?
  4. 合約問題... 一般家用寬頻合約會唔會有某 d 條款唔俾我地將條線 share 出去以換取收入/免費使用無線網絡o既權利...? (後按: 睇番 Fon o個個 blog 引述經濟日報o既報導話「用戶在與HK.net薟訂寬頻合約時分享網絡是非法的。」, 其他唔太清楚了...)

始終 FON o係香港都仲係新o野 (2006/11/1 先登陸香港...) 即管睇睇佢會發展成點吧... 想知多 d o既可以去佢地o既網頁同埋 blog 睇睇~

2006-11-01

小試好光

之前提過我買o左一部好光相機, 試影o左兩次. 第一次因為係正片o既關係我自己 scan 唔到, 勞煩了 PK 幫我 scan 緊, 未有得睇住. 第二次用番負片, 沖晒o左出o黎再自己 scan... 不過據聞因為 under exposure o既關係, scan 出o黎好多 noise.... -.-"

其中幾幅:







其他可以去我個相簿睇, o係 Holga o個個 Album 入面. 呀, 順帶一提, 好光影出o黎o既相可以係 6x6 或者 6x4.5, 今次我就用o左 6x6, 所以 d 相係正方形的, 配埋好光影出o黎o個個暗圈都幾得意 :)

總括而言, 好難影 (其實係好煩), 但好過癮~~! 不過實在太耐無影過菲林機, 無得好似數碼相機咁係咪都影o左先有 d 唔慣~~

2006-10-31

頹廢

呢排超頹廢...! 做咩都提唔起勁... (其實諗諗下好似成日都係咁...) 放o左三日假, 聽日交o個兩份功課無郁過...! 一味o係度訓...!

好眼訓, 經常都想訓, 好似訓極都唔夠... Recovery rate 好低, 以前都唔係咁... 想唔認老都唔得了. 都市人老得特別快. IT 人老得仲快!

唉!

2006-10-30

QR 碼

前陣子去日本, 周圍都見到一個類似 barcode o既物體, 但係唔知咩o黎. 近排去 d 日本網頁, 又見到呢 d 碼. 去 beeyung 的網頁, 又見到呢 d 碼. o個 d 圖片名都係 QR 字頭, 撞撞手神問問 google, 發現了原來呢 d 叫做 QR 碼, o係日本好流行. 可以將任意 text encode 做 QR, 再用手機讀, 超方便~~ 唔怪得日本好多地方都有 la, 日本仔 d 野真係幾方便...! 唔知香港幾時會有類似o既野~

手痕又整o左個玩玩, 呵~

有興趣o既可以去呢度整番個~

想知多 d Technical details 可以去 QR o既 official page 睇睇~

2006-10-28

Where is our privacy?

A recent article from ATCE warned travelers to U.S. that the Custom and Border Patrol Officers are granted the rights to confiscate and analyze anyone's electronic devices or media.

Here are some extracts from the articles:
... under U.S. law, government agents may seize and search a person´s laptop computer, computer discs, and other electronic media when that person arrives in the U.S. from abroad or departs from the U.S for a foreign country. The law applies equally to U.S. passport holders and non-U.S. passport holders.
Only one percent indicated either they or someone they know has had a laptop confiscated by authorities. Ninety four percent pf survey respondents were unaware that Customs or border officials can confiscate laptops for days, weeks or indefinitely.

Another article from zone-h.org also mentioned the issue:
... and not only lap tops: Flash drive devices , memory sticks, and Ipods containing any kind of personal information could be subjected to unmotivated inspection.
... according to a sentence emitted last july “no convincing reason ,suspect or warrant is needed” to justify the confiscation and analysis of a PC’s content.

Yes, security is important. So I understand why the U.S. CBP to make "their top priority is to keep terrorists and their weapons from entering the United States"...

But what about our privacy...? Who cares.

報紙報導...

話說我o係科大 newsgroup 同 ENB post o左有關偷拍裙底事件之後, 尋日有一個生果日報記者聯絡我想拎多 D 料... 我無覆佢仲o係科大 newsgroup 表明唔覺得呢單o野除o左啅頭仲有其他值得報導o既地方, 所以唔會提供任何資料及接受訪問, 叫佢唔駛再聯絡我. 今日該報就刊登o左一篇「網民爆料:科大驚現偷拍狂」o既報導... 內容如下:
網 民 爆 料 : 科 大 驚 現 偷 拍 狂

熙來 攘 往 的 科 技 大 學 發 生 偷 拍 裙 底 春 光 驚 魂 , 一 名 聲 稱 目 擊 事 件 經 過 的 學 生 , 近 日 在 科 大 內 聯 網 和 網 上 多 個 討 論 區 廣 貼 通 告 , 呼 籲 同 學 小 心 一 名 六 呎 高 的 黑 衣 偷 拍 男 !
「 好 猖 狂 ! 女 仔 著 裙 小 心 啲! 」 發 現 偷 拍 賤 男 的 科 大 生 circle 前 日 在 hkteen 新 聞 組 講 述 事 發 經 過 , 事 發 早 上 11 時 30 分 , 當 時 一 名 穿 黑 色 上 衣 、 身 高 約 六 呎 的 男 子 , 在 扶 手 電 梯 偷 拍 站 在 前 面的 女 同 學 裙 底 , 「 見 到 個 男 仔 拎 住 個 電 話 伸 去 個 女 仔 裙 底 ! 我 呆 咗, 唔 識 反 應 。 」
circle 形 容 自 己 「 愈 諗 愈 後 悔 , 我 唔 能 夠 及 時 揭 穿 個 男 仔 既 惡 行 ! 」 在 網 友 提 議 下 , 他 將 事 發 經 過 在 校 園 內 聯 網 內 發 表 , 強 調 「 下 次 見 到 同 樣事 情 一 定 即 時 叫 停 佢 同 個 女 仔 講 ! 」 網 民 Kopa 透 露 : 「 科 大 最 近 多 好 多 咗 變 態 佬 , 好 多 人 成 日 用 電 話 影 女 同 學 。 」 科 大 學 生 會 會 長 李 諾 韋 相 信 今 次 只 是 個 別 事 件 , 希 望 校 方 可 以 增 加 保 安 人 員 加 強 巡 邏 。
今次總算無乜點樣加鹽加醋... 不過總要作出一點兒澄清:
  1. 我無o係"網 上 多 個 討 論 區 廣 貼 通 告", 我淨係 post o左係科大 newsgroup, 科大 ENB (就係佢所謂o既內聯網), CSIE 私人 newsgroup (佢應該入唔到) 同埋呢度 je... 似乎係其他人 forward 我篇o野去其他地方佢就入埋我數了
  2. 我唔係"呼 籲 同 學 小 心 一 名 六 呎 高 的 黑 衣 偷 拍 男"... 我只係"呼籲同學小心俾人偷拍" je... 斷估阿偷拍男唔敢再o黎掛, 再o黎都唔一定著黑色衫 la...! 再講淨係小心俾佢偷拍有咩意思, 唔駛小心其他人乎?
另外, 值得留意o既係報導中阿網民 Kopa... 佢本身好可能就係記者扮的... 佢尋日無啦啦出現o係科大 newsgroup, 淨係講o左句"科大多左好多變態佬, 好多人成日用電話影女同學". 完全無上文下理, 無 elaboration. 之前無見過佢, 之後消聲匿跡... 感覺有點想套料甚至造新聞... 實行o黎個自篇自導自演...

Anyway, 報紙報導下都唔係壞事, 起碼可以警告一下偷拍o個個人, alert 下其他同學, 引起校方關注都係好的.

後感:
  1. 而家 d 報紙成日都o係網上討論區搵埋 d 未經證實o既傳言o黎報導, 似乎有點兒不負責任...! 如果真係搵記者扮人套料甚至自篇自導自演更加係缺乏職業操守...! 全港每日發生咁多單偷拍事件, 有相有片o既多不勝數, 俾人即場擒獲甚至俾人拍底犯事經過o既都唔係無, 點解偏係要報導呢單無憑無據o既網上傳言...? 只因為「大學生偷拍裙底」夠啅頭 lor... 只要「啅頭」唔理係咪真係有新聞價值... 有點兒...
  2. 其他討論區有網友話我當時唔捉住佢, 而家 post 有咩用...? Sorry lor~ 真係呆o左, 反應唔切, 完全無預到呢 d 事會o係科大發生~ 我 post o係科大 newsgroup 同 ENB o既原因純粹係想 warn 下o個個偷拍男 (如果佢係科大學生) 佢今次無事只係夠運, 預著個唔識反應o既, 下次未必會咁好彩了, 收手吧~ 另外只係想叫大家小心 d 而已~
  3. Forward 我 ENB 篇野去其他討論區o既同學連我個 email 都 forward 埋, 想我被 spam mail 浸死乎? @@"

2006-10-27

小休三天

終於考晒 d midterm...! 好累... 好彩仲有三日 long weekend 抖抖~~

不過, 我感覺到幾份功課o既氣...!

好強o既氣!

世風日下

本來我今日超忙乎應付聽日o既 ELEC314 Midterm, 但係見到條友實在太仆街了!!! 真係唔寫唔得! 但我又真係好忙, 唔好介意我直貼我o係科大 newsgroup o既一個 post:
今朝 11:30 度我o係 atrium 搭扶手電梯上 concourse
見到前面有個男仔好唔自然咁貼到好近一個著牛仔裙o既女仔, 最初以為佢地識o 既, 不以為然
因為我趕時間去 barn B print notes 溫 midterm, 所以爬佢地頭...
點知我一行去左邊 (本來大家都靠右企) 就見到個男仔拎住個電話伸去個女仔裙底...!
我呆o左... 唔識反應... 清醒一下已經到 concourse 了, 個男仔拿拿臨向 ATM 機方向走, 扮排隊, o係度睇自己部電話, 個女仔就不知情咁向 concourse 方向走 去... 想叫住佢都叫唔切...

個女仔真係勁慘... 越諗越後悔我唔能夠及時揭穿個男仔o既惡行...

個男仔著黑色衫, 六呎高度, 黑黑實實咁款, 個女仔著紅色外套, 牛仔裙... 印象 中佢兩個都好似係同我一齊 11 點幾o係彩虹搭同一班小巴返科大... 淨係記得咁 多了, 再見返佢或者會認得掛...?

呢 d 人真係勁 XX... 同學都唔放過...
下次見到同樣事情一定即時叫停佢同個女仔講...
各位女仔都要自己小心...
真係估唔到可以咁猖狂光天化日之下做埋 d 咁o既野...!
仲有第二個 post:
我本來見個女仔行遠o左就費時叫番佢轉頭同佢講
始終個女仔俾人影都可能會好難受...
我之後先醒起可以影低條仔個樣示眾... -.-"

anyway, 我唔希望再見到有類似事情發生...
真係見到我一定搞大佢...!
SHAME ON THAT PK!!!!!!!!!!

呢幾日 lun 又收埋 d 變態電話, 希望係打錯 la. 點解呢個世界咁 X 多變態佬o架!

2006-10-24

一字記之曰:「累」

好倦呀... 又 midterm 又功課又呢樣又o個樣...

好想訓覺呀...!

唉... 呻下o者~~~

繼續努力...!

2006-10-22

Death Note: The Last Name



超正哦...

海砂同雷姆終於登場...! 連高田清美都出埋...! 雖然覺得個故事會同原著有幾大出入, 而第一集個故事亦可以拍得更好, 但依然係超正...! 超期待...! 快 d 上畫 la...!

總覺得 L 今集必死無疑, 月又無理由唔死...! 突竟會係點呢...!
好緊張呀................!!!

Official site: http://wwws.warnerbros.co.jp/deathnote/

Holga

今日下午出o左紅磡同迪 & PK 去睇一部好頹o既相機, 叫做 Holga. 部相機真係頹到你唔信... 超級兒嬉, 比好多玩具望落更兒嬉... 成部機充滿住瑕疵, 不過佢就係因為呢份不完美而聞名中外, 受唔少人o既愛戴...! 一個攝影網站形容 Holga 有以下o既特性...
  1. 你永遠不知道你自己在照些什麼東西
  2. 你永遠無法拍到一樣的照片
  3. 提供攝影者對相機完全自主的掌控
  4. 它本身的瑕疵也提供給創作者一種不能預期最終成果的樂趣與獨特性
  5. 最奇妙的是沒有兩台 Holga 能拍出一模一樣的東西
據聞 Holga 仲有無限o既改裝可能性...!

正 因為 Holga 咁頹... 佢o既售價都好平! 相機只售 $160, 最頹o既菲林都只係 $15 一筒! 結果我地三個都各買o左一部玩玩~ 我亦可以乘機跟佢地學下影相~~ 始終用菲林機真係難影好多的...!

食完飯去o左迪屋企搵黑膠紙封番 d 可能會漏光o既位... 攪到部機望落去真係五勞七傷咁... 真係好頂癮...!!!

或者遲 d post d 相上o黎俾大家睇睇 (如果見得人的話...)

睇住人地 d gallery 先 ba :)
呢 set 我覺得好正:
http://www.flickr.com/photos/xpan/sets/72157594275507829/
呢 set 用番 135 菲林, 好特別:
http://www.flickr.com/photos/xpan/sets/72157594276114205/

2006-10-21

呢排好多 midterm 好多功課要交, 加埋 part time o個 d 野, 晚晩都差唔多天光先訓, 嚴重睡眠不足...!尋日放學番到屋企不斷昏迷... 只係中途起身食飯同睇 CSI 醒過一兩次... 直到今日下午 2 點幾先正式落床... 但似乎仲未夠...

之後搭火車出街o既時候o係月台撞到志堅 sir 同埋 miss chan 同埋佢地個 B 去街街~ 真溫馨~~ :)

夜晚食完飯o係旺角公廁對面見到個望落似明星o既男仔 (不過我唔識), 似乎唔係香港人, 好多少女 fans 搵佢影相... 個男仔勁高, d fans 似乎只係高到佢心口... 佢買o左串魚蛋食, 拎住串魚蛋擺晒 pose 同俾 d fans 影相... 我心想: 食魚蛋都好影... 之後, 仲有餵個女 fans 食魚蛋... 呆了...

2006-10-19

畢業影相團

今年畢業o既同學仔, 有冇興趣約埋一齊影下相? 可以組個畢業影相團去各大 U 影相 bo~~ 不過可能會幾難約時間, 好似間間借到袍o既時間都唔同.

Anyway 睇下有冇人有興趣先 ba :)

Label Management in Blogger Beta

Google has recently added a "Label Management" features to Blogger Beta. We can apply/remove labels on multiple posts in the "Edit Posts" section just like what we can do in Gmail. This is not a big feature but will be convenient to the users.

Well done!!!

Reference: Blogger Help : How can I edit labels on multiple posts at once?

疆屍網絡

我笑死了...

今日我搭巴士返 UST , o係 roadshow 睇到一個警察資訊節目, 今集講所謂o既疆屍網絡 (zombie network - network of zombie PC, 又或者叫 botnet)... 本來教育下市民注意資訊安全係好o既, 但係佢段模擬片段實在係... 笑死人...

片段內容一開始講述一個警官向五至六個商業罪案調查科探員做 briefing, 我以為係咩 case, 點知佢話收到可靠線報有一名市民o既電腦懷疑受到疆屍網絡攻擊... 其後, 兩三名探員突擊上受害市民o既屋企拍門, 出示證件, 話咩我地懷疑你部電腦受到攻擊, 可唔可以俾佢地入去睇睇... 鏡頭一轉, 個受害市民全家坐晒o係隔離睇住o個兩個探員 check 佢部機, 跟住個探員就話你部中o左一種叫做疆屍網絡o既電腦病毒, blahblahblah...

大家小心了... 萬一你地部機以後中o左毒, 隨時會有幾個探員拍你門幫你整電腦o架!!!! XDDDD

成個 case 講得含含糊糊... 仲好誤導... 真係唔講好過講... -.-

2006-10-16

Google Desktop

Midterm 果然係試新野o既時候... 剛剛 install o左 Google Desktop, 主要係 for display 番個 Google Calendar. 都幾好玩幾方便. d gadgets 幾好用. 亦唔係太大食, 4 個 process 食o左我 30MB ram 度, ok la, 又有 todo list, 又有 scratch pad, 仲有天氣, system monitor, wireless signal strength 等等. 仲可以自己 develop gadgets, 個 interface 又懶係靚咁~~

不過我 disable 晒所有 local o既 index~ 事關我好少會 search 自己部機~~~

到目前為止印象都尚算 ok~~

2006-10-14

舊同學

近排超多野做, 晚晚都係訓得兩三個鐘, 今日o既 ELEC 堂就順理成章咁成為o左我休息o既好時機 (橫掂都聽唔明了... 遲 d 要俾心機追返喇... 唉..!) 訓o左一陣, 臨落堂o個陣半睡半醒咁等落堂.

科大o既堂成日都遲放, 下一堂o既學生經常咁樣衝入黎先見到上一常未完就走番出去. 今日堂 ELEC 遲o左 5 分鐘放, 臨放之前就係有一個人誤衝o左入o黎. 我本來都不以為然, 但總覺得佢有 d 面善. 正式落常之後佢再入番o黎, 我正想走o個陣同佢o黎o左個對望, 我突然覺得佢好似我一個中學同學... 我見佢都好似望住我, 咁我就同佢點個頭, 佢就應番我 --- 真係佢...!

估唔到o係科大入面見到簡爺~~! 數一數都有 4-5 年無見了. 之前舊同學o既 gathering 佢都無出現, 亦似乎無人知道佢o既近況. 一問之下, 原來佢上年 transfer o左入o黎科大讀 IELM, 今年 year 2~ 咁o岩我上年去o左 placement 所以見佢唔到~~ 相認之後, 詢問一下近況, 交換o左電話, 因為下一堂要開始o既關係我就走了~~

5C o既同學仔, 下次 gathering 可以叫埋簡爺呢~~

Value Adding

前兩日去星際買平價版教科書. 因為平價版o既書脊係簡體字的關係, 加上我唔 sure 中文名點譯, 我o係書架搵o左好耐都搵唔到. 之後我走去問店員. 當時有另一位人兄正o係度查詢一本 Bioinformatics o既書, 我見個店員對住個字好耐, 逐隻字母入落電腦查, 就知佢唔太識英文, 於是我就諗住用中文書名問佢. 點知口快快問o左佢有冇 <>, 正在唔好意思之際, 佢就話 "Digital..." 好似有, 但唔太肯定, 指指個 keyboard 叫我自己打個名入電腦 search. 跟住我話估係譯做<<數字通訊導論>>, 佢就好快咁指o左俾我睇了. 俾完錢正想走, 點知佢好好學咁問我 Communication 點解同點讀. 都o岩o既, 佢賣o既書多數都係大學書, 通常 d 人都係淨係知個英文名, 如果佢識英文的確方便好多. 雖然係咁講, 但其實佢大可以次次都俾個 keyboard 人自己 search, 難得佢有番咁上下年紀都仲咁好學, 勁.

出o左間書店, 見到星際另一樣特產 - 老翻 AV... 佢地做到好 pro, 有 d 寫明係全港最大, 有 d 講提供 7 天退貨服務, 有一間仲勁, 門口有個 poster scroller... 呆了... 估唔到老翻 AV 業都要增值到呢個地步...

第二日返學經過門口更亭, 見到個物業主任, 佢問我可唔可以幫佢手番學校搵o個 d property management o既 dissertation 俾佢睇睇, 佢想學多 d 野. 我呆o左一呆, 問番佢先知 dissertation 原來係解論文. 嘩~~~ 真係唔識呢個字...! 勁...!

今時今日真係咩都要講增值... um... 大家加油了..!

2006-10-09

2006-10-09

尋日 7S 美食團之旺角小肥羊, 貴係貴 d (不過比我想像中平~), 但係 ok 好食. 小弟少吃羊, 但係佢其他海鮮真係好鮮好好味. 專登等一日先寫, 廢事o個頭讚完呢頭痾到死死下. 經過一日都無事就應該無事掛, 讚得~~

臨近 10 月, 又係 Midterm o既季節. 唔知點解總係會去搵 d 無關痛癢o既野做. 今日一口氣睇o左 大半我以前o既 xanga, 仲走去 join 晒 d blogring~ 哈~~~ 仲 link 上 link 咁搵到好多人o既日記, 睇o左好耐. 可能係因為前幾日做 part time d 野去得太盡掛~~~~~

另外, 我發覺轉o左o黎呢邊之後我 d post 長o左!!!

2006-10-07

世紀大決戰

頭先有人 send o左個超無聊o既網站俾我, 我抵受唔住佢o既無聊用佢o黎 simulate o左呢個世紀o既其中兩場大決戰, 結果實在令人振奮.

第一場, Windows 大戰 Linux
windows HP:147 攻:50 防:77 速:79 技:74 运:81
linux HP:243 攻:68 防:61 速:48 技:60 运:96

[windows]向[linux]发起攻击,[linux]防御,[linux]受到0点伤害
[linux]向[windows]发起攻击,[windows]受到96点伤害
[windows]向[linux]发起攻击,[linux]防御,[linux]受到37点伤害
[windows]发动连击
[windows]向[linux]发起攻击,[linux]受到1点伤害
[linux]向[windows]发起攻击,[windows]受到59点伤害
[windows]被击败了


第二場 Internet Explorer 大戰 Firefox,
Internet Explorer HP:360 攻:45 防:80 速:78 技:55 运:48
Firefox HP:166 攻:70 防:56 速:89 技:58 运:52

[Firefox]诅咒[Internet Explorer],[Internet Explorer]所有数值下降
[Firefox]发动连击
[Firefox]向[Internet Explorer]发起攻击,[Internet Explorer]受到108点伤害
[Internet Explorer]向[Firefox]发起攻击,[Firefox]防御,[Firefox]受到0点伤害
[Firefox]向[Internet Explorer]发起攻击,[Internet Explorer]受到108点伤害
[Internet Explorer]向[Firefox]发起攻击,但是被[Firefox]闪开了
[Firefox]向[Internet Explorer]发起攻击,[Internet Explorer]受到57点伤害
[Internet Explorer]向[Firefox]发起攻击,[Firefox]受到1点伤害
[Firefox]向[Internet Explorer]发起攻击,[Internet Explorer]受到107点伤害
[Internet Explorer]被击败了


很好, 很好.

2006-10-05

大新聞呀!!! 月餅入面竟然有...

大新聞呀!!! 有人食月餅竟然食到可疑紙條... 嘩... 實在難以置信...!!! 詳情請睇睇呢度...

中秋節快樂~

2006-10-02

Incidence Response

今日睇過下個 Digital Attack Archive, 發現好多網站被 hack o左種埋好多"宣示主權"o既 page 好耐都唔發覺, 我見到最長o既竟去到半年之久... 閒閒地都起碼要個幾月先會發覺... 呢個係一個好大o既問題. 事隔咁耐, 要搵番出原因似乎有點難度~~ 搵唔到原因, 乃多次野機會都機大. 可能就係因為咁, 好多網都俾人 hack 完又 hack...

所以話, 適當o既 incidence response 真係好重要~~ 上面所講o既網站都有 incidence response, 不過只係"置之不理" lor~

抵 + 累 + 病

適逢十一黃金週長週未, lun 又返o左大陸, 我唯有食自己. 不過呢兩日我都做o左好多野.

星期六晨早流流去o左一年一度瑞華行開倉, 嘿嘿, 收獲極之豐富! 多得 MC 仲早去到排隊, 仲俾我打尖. 其實有 d 唔好意思, 不過佢話個個都係咁... 咁就由佢 la... 哈...! 見佢同一個人傾得有講有笑, 以為係佢個 friend, 點知原來係唔識o既, 只一齊排隊等得悶得濟所以佢叫埋 MC 一齊玩 Uno 之後再傾的. 志同道合果然o岩口形 d~~ 入場後, 經過約半時小o既瘋狂掃貨, $10, $20, $30 咁, 總收獲為 7 盒高達模型, $200 有找, 認真抵玩. 去金迪度打o左一陣機之後就趕返大埔睇波.

咁o岩新田公路塞車 (呢排真係怒塞車), 攪到無時間食飯. 拿拿臨返屋企放低 d 野, 去太和運動場捧隊長智場. 大埔隊可能因為主場之利, 氣勢如虹, 竟然可以連追兩球迫和南華, 全場觀眾(當然係大埔 fans 居多)就算o係滂沱大雨之中都依舊血脈沸騰. 可惜臨完場前o既罰球令到大埔隊失去o左o係甲組拎第一分o既機會. 總括而言大埔隊踢得比以前明顯好好多, 雖敗猶榮, 亦嬴得街坊o既支持. 可憐o既南華未能一嘗所願大抄大埔隊收復之前o既失地... 成場波氣氛勁好, 加上o係區場踢, 過千球迷o係看台上打拍子叫口號, 好有以前中學陸運會o既感覺~~~ $10 抵到爛~

睇完波, 出返青衣搵番佢地食飯~ 同佢地再去倉行多轉, 再以 $20 買多兩盒模型, 令全日總收獲增至 9 件~ 之後落荃灣 d pub 食飯, ok la~ 有波睇有野食又唔太貴又坐得~ 之後打o左一陣機就歸家了.

星期日要返科大參加 programming contest. 可能因為睇波淋o左雨加上本來都作病咁, 好累+唔太舒服, 遲o左起身, 無去到朝早o既 trial run, 全速趕返去都要正式比賽開始o左半個鐘先入場... 變相讓賽, 不過我讓唔起 -.- 狀態不徍加上疏於練習, 以前 15 分鐘內攪得掂o既竟然用o左 40 分鐘. 6 條 solve 得 2 條 (我o既 expectation 係 4 條), 今年無得參加 regional contest 了~ 算數吧~ 時也命也~ 其實我做 part time 都將會忙到七彩了~

之後返屋企, 訓到 10 點幾時食晚飯~ 又係至愛o既米粉~ 喉嚨似乎有點痛, 頭有點重. 食o左 d 幸福傷風素, 但係唔知點解唔係好願去訓... 都係沖個涼去訓了, 聽日仲要趕功課~

2006-10-01

安全意識

真光中學最近o個單駭客入侵事件似乎引起o左一般公眾對資訊安全o既重視, 總算係事件o既一個比較好o既副作用. 不過點解安全意識往往都要o係真係出o左事之後先出現, 無事發生o個陣就連影都無...? 真光事件入面連最基本o既防毒軟件都無去 update, 會唔會過份o左少少... 真係街上求其搵個師奶都識講 la... 學校係咪真係應該除o左一年走幾次火警之外, 仲要定期搵專業人士做下 IT security audit 呢...?

事件中亦有另一件事值得注意. 明報o既報導咁講:
香港真光中學共有近200部電腦,內聯網遭黑客入侵後,電腦科教師和技術員連日來忙於搶修。副校長許端蓉表示,會安裝更高質素的防毒軟件,防止黑客再入侵。
  1. 竟然要依賴電腦科教師幫手搶修... 一來佢地未必有足夠專業知識, 二來佢地有自己o既工作, 身兼數職, 真可憐... 唔夠人手好心請多幾個技術員啦... 中國人真係特別鍾意叫人"順手"做埋 d 野...
  2. 安裝更高質素的防毒軟件... 有鬼用咩, 都唔去 update...

2006-09-30

會上班的豬

從澤胖的日記見到很精警o既邏輯推論, 第一 part 尤其鐘意, 容許我o係度 quote 一 quote~~
人=吃飯+睡覺+上班+玩,
豬=吃飯+睡覺,
代入:人=豬+上班+玩,
即:人-玩=豬+上班.
結論:不懂玩的人=會上班的豬
記得及時行樂, 千祈唔好變成一隻會上班的豬呀~~~

2006-09-27

Windows Vulnerability on VML: Official Patch Released

除o左之前講o個個 IE Vulnerability, 另一個 IE o係 VML library 上o既漏動終於有 official patch 了. 大家拿拿臨上 Microsoft Update download la~~ (WGA validation required). 如果基於某 d 原因你個 WGA Validation 失敗的話 (咩原因唔好講咁明了), Windows XP SP2 o既可以去呢度 download 落黎自己裝. 其他o既自己去 Microsoft o個個 Security Bulletin MS06-055 搵 link download ba~

記得行動要快啊~~ 個漏動已經出現o左一個星期了, 每遲一步, 你乃野o既機會就越高了~~

Lenovo 推出預裝 Linux 的 Thinkpad!!!

雖然一路都有網站教大家o係 notebook 上面 install Linux, 亦有專門俾 Thinkpad 的. 但 Lenovo 推出預裝 SUSE o既 Thinkpad T60/p o既新聞 (其實都成個月前了) 的確令人振奮. 呢單新聞意味著 Linux 又打o左一場勝仗, 佢o既地位同普及程度又一次提升. 期待住有一日 notebook 同 desktop 上 "Designed for Windows" o既貼紙都換成 "Designed for Linux", 或者 "Linux Inside" 了.

Official site (可惜 Lenovo HK 網頁搵唔到)

另載官方 Think Linux 廣告一則 (記得我的 Wallpaper 嗎? :P)

2006-09-26

Blogger Wish List

Blogger is good. However I wish it to provide the following features:
  • Hierarchical Labels - allow labels to be under another. E.g. "Computer Security" under "Computer"
  • Excerpts of Posts - display only the excerpts of long posts, with links to show full text
  • ACL on Labels - allow only registered users or specific groups of users to read/comment on posts marked with certain labels
  • Label-level RSS Feed - allow others to only subscribe to posts marked with certain labels
  • Exporting/Importing from other blogging tools/sites - Allow users to export/import the posts to/from other popular blogging tools/sites like: WordPress, Xanga.... etc
  • "target" Option when Inserting Hyperlinks - allow user to specify whether a link should be open in new window when clicke.
If you also think the above are useful, please vote for/suggest them at the official Blogger Wish List.

流氓網站/軟件

今日睇到一篇關於大陸「流氓軟件」o既報導. 呢個情況o係大陸出品o既軟件其實唔算罕見, 打正旗號附帶廣告o既共享軟體o既尚算有 d 良心, 始終行得正企得正, 佢想從自己o既努力拎番 d 回報都係可以理解o既. 只係好多時呢 d 廣告都會佔用o左一定o既系統資源. 有 d 軟件會不知不覺咁o係你部電腦種下廣告軟體甚至間接軟體, 雖不至報導中所講無法徹底清除, 但係包大把手尾你跟, 好多人都會選擇重裝算數. 呢個就係我非必要都唔會裝大陸軟件o既原因, 就算真係要裝都會打醒十二分精神, 有咩 e郁即刻殺無赦.

大陸o既網站其實都有類似o既問題. 大陸 d 網站真係好恐怖, 成個 page 入面起碼一半以上o既頁面都被廣告佔o左, 仲會用各式各樣o既方法令你有意無意間 click 落去個廣告度以換取廣告費用. 常見o既方法有o個 d 名不符實o既假 link, , 覆蓋o係 d 真正內容上o既 透明o既廣告 layer, 仲有o個 d 屈你按o左廣告先俾你睇下一面o既賤穚. 另外有 d 網站會要求你 download/install 所謂o既 agent, 當然呢 d agent 都唔只係 agent 咁簡單. 其實連 Yahoo! 以前都曾經用過透明廣告呢一招, 佢地o係個搜尋o個欄上面放一層透明廣告, 你一想 click o個個格仔打字就中招了, 但唔知係咪因為被人投訴定係要顧及企業形象所以o係不久之用棄用.

唔係針對大陸, 其他國家都有類似情況, 只係無大陸咁氾濫 je... 其他國家o既軟件通常無咁流氓, 但係就會借 d 易咁幫你 install 好多唔係你想要o既野. 常見o既方法係利用用家 install o野o個陣用晒 default option, 一味 next next next o既現象, 係個 installer 度加入 option, 好似名正言順咁 install 自己公司或者合作伙伴o既軟件或者幫用家 set 某 d setting. 例子有好多, MSN Messenger 會 by default install 埋 MSN toolbar 同 set MSN 個首頁, Adobe Reader 會"順手" install 埋 Yahoo! Toolbar. 最離譜o既係 Yahoo! Messenger, 你唔按入 Advance settings (大部分用家都唔會) 都唔會有得揀唔 install Yahoo! Toolbar 同 set Yahoo 做首頁. 雖然呢 d 唔係咩破壞性o既軟件, 但係做法略嫌有 d 唔夠光明磊落 lor, 況且個用家都未必真係有需要甚至唔想 install 呢 d 野, 咁又何必呢.

一般用家想避免中招的話, 方法都係不外乎o個幾個. 唔好亂 click 呢樣o個樣, 睇清楚先 click Next/Yes, 盡量o係信得過o既地方 download 信得過o既野, 少去可疑o既網站, install & 定期 update Anti-virus/Anti-spyware, install & 適當咁設定 firewall 等等... 真係講得多都嫌"chum"了...!

2006-09-25

2006-09-25

原來用 Blogger 都有個麻煩o既地方, 就係每個 post 都最好有 title. 無唔係唔得, 只係佢會將個 content o既頭一部分當o左 title 放入去 archive list 度, 唔靚~~~ 為o左方便起見, 諗唔到 title o既求其打個日期就算了 :p

今日好似做o左好多野, 但又好似有好多時間淨...

晨早流流起身攪埋 NML o個 d document, 想影印身份證點知個 printer o既墨頭塞o左, 攪o左好耐都唔得, 結果都係要落樓下影. 不過咁就要返學校先 print 到 d lang o既 diary... 攪完一大輪, 見時間尚早, 再盡人事試下幫細妹 backup 番壞 harddisk o個 d data. 尋晚攪到好夜都係勁多 bad block 讀取不能, 諗住試多次唔得就出門口, 點知佢又得得地. 試到 8:30 度都係唔得, 拿拿臨收拾細軟趕返去上一分鐘也不能遲o既 lang.

點知, 大老山隧道無啦啦有壞車, 封o左一條行車線, 延誤o左 1x 分鐘... 呢幾日都唔知做咩, 星期六搭 270A 到火炭唔知係塞整路定係咩, 龜速 20 min... 尋日搭火車出大圍遇正有人跳軌, 正好係我前面o個架, 又攪o左 1x 分鐘同埋架車勁多人... 今日又遇正隧道入面o既壞車 @@"

去到彩虹 9:30 見到 91M 隊中無乜人已經心知不妙, 等得下架o黎到仲要等佢慢慢爬上去, 我 lang absent 硬 (2 late = 1 absent, 今堂 double count... -.-"), 唯有死死氣飛的上去. $6x, "卡錚" (食錢的聲音). 總算仲有時間 print 埋份 diary.

上完 lang 堂, hea o左一陣, 走去上 ELEC. 個 prof. 好似係火星o黎咁o既, 完全聽唔入耳, 結果半 hup 半瞓咁渡過, 之後諗住去深水埗交 NLM form 順便幫細妹換番個 harddisk, 點知發現唔記得帶單. 本來諗住下次先整, 但係由於太多時間o既關係 (要 hea 到 7pm... 6 個半鐘...), 考慮o左一陣返唔返屋企拎單好 (對, 時間就係咁樣浪費了). 結果都係返o左去拎.

熬 70x 返屋企, 瞓o左差唔多成粒鐘, 頸都梗晒... 煮o左個度小月+米粉, 好味! 又瞓o左個幾鐘, 就搭火車出去深水埗交 form. 出到去 5pm 放學時間, 勁多人, 好彩交 form 唔駛點等~~ 之後去黃金換 harddisk, 點知佢試極都無事. 於是佢俾o左條 cable 我返去試, 再唔得就要成部托出去俾佢 check 了...

攪掂晒都係 5:45, 仲有成個鐘, 唯有搭巴士落尖咀打機. 去到超平機鋪 (MMT2 $1/game), 見住一個人拎住成袋 $1 坐低, 另外的一個都係成個機面都係 $1. 即係有排玩. 唯有去隔離 $2/game 玩 la, 橫掂唔玩得耐. 不過玩玩下有條友係隔離扮煙囪, 勁辛苦, 即走. 機鋪吸煙幾時先有人捉呀!!!

終於 hea 到 7pm, 去聽 HTCIA o既 seminar. 老細係今次o既講者, 佢叫我地去捧下場順便識多 d 人~ 都好~~! 不過去到都係答唔上咀, 得個聽字, 但都獲益不少. 見到o係 HP o既舊同事 Fai 同埋 Alan, 正想傾下最近"搵"o左咩新 game 之際先醒起自己身處 Microsoft office, 周圍有海關, 有好多電腦法證高手, 仲有一個總警司坐起附近... 即刻收口... 哈哈... 之後同舊同事同埋老細食完飯就坐 270A 歸家了.

嘩, 不知不覺竟然打o左咁多... 睇番個時間, 打o左成個鐘... 有點累... 快沖涼快瞓...!

2006-09-22

另類生日禮物

頭先睇蘇邦 o既 xanga 見到一個留言:
唔該!可唔可以入我日記留句「生日快樂」呀?我個女仔朋友仲有20日就生日喇!我想俾個驚喜佢呀!唔該晒!如果見到呢個留言o既朋友!麻煩都幫一幫手丫唔該!
Posted 9/21/2006 at 11:39 PM by happybirthdaytoneko
條友周圍亂留言, 同其他 spammer 無異. 但見佢咁有心思, 又難得佢諗得出咁肉麻o既做法, 咪支持一下o羅~~~

Click 到入去佢個網, 嘩, 5xxx 個留言... click 一 click 個留言要成差唔多成分鐘先 load 得晒張 eprops list, 都咪話唔壯觀...! 如果真係成事, 都可以話係香港互聯網史上又一創舉, 再一次見證到廣大網民o既力量...!

老土係老土 d, 但勝在有心. 蘇邦講得o岩, 人地開心, 自己又冇損失~ 舉手之勞而已, 大家得閒咪去留幾隻字o羅~~~

網址: http://www.xanga.com/happybirthdaytoneko

世界真細小

前幾日同 Donald 傾開, 發現佢成日提起o個個 CyberU TA 原來就係我上次去同事兼師兄邦哥屋企捉棋見到o個個...

尋晚睇 siuon o既 blog, 發現佢o係 UT 有一個同學o既爸爸o係科大 CS 的 professor. 一問之下竟然係我o既 UG Advisor Fred Lochovsky...

呢個世界果然好細.

2006-09-18

Unpatched IE Vulnerability

專門研究同發於各類型 Application 漏動o既公司 Secunia 近日公佈o左一個 Internet Explorer o既漏動. 攻擊者可以將 attack code 放o係一般網站, 當其他人瀏覽o個個網站o既時候, 攻擊者就有可能遙距咁o係受害者電腦上執行任意程式, 後果實在可大可小. Secunia 亦將個漏動評級為 "Extremely critical".

其實呢 D 漏動唔係罕見, 今次o既問題所在係 Microsoft 亦未 release 相應o既 security patch 之前, attack code 已經好可能被廣泛流傳. 理論上 attack code 只會o係 official security patch released o左之後先會被公佈作為 POC (Proof of Concept) 之用, 不過凡事總有例外, 一段可以影響到 partially-patched o既 Windows 2000 o既 attack code 已經被公佈o係某個網站 , Secunia 亦都成功整到可以影響 fully-patched o既 Windows XP SP2 o既 attack code. 其他人整到呢段 attack code 然後放上網都只係時間o既問題.

自從 Microsoft 改為一次過o係每個月o既第二個星期二 (被稱為 "Patch Tuesday") 發放整個月o既 security patch 之後, 公開o左o既漏動似乎暴露o係攻擊之中一段更長o既時間. 以今年四月 IE o個個 "createTextRange()" Code Execution 漏動做例子, 由 attack code 被公佈到 Microsoft release security patch o既時間相差成二十天之久. 攻擊者好可能利用呢一點增加攻擊可以造成o既影響. 今次呢個漏動o既 attack code 正好o係對上一個 "Patch Tuesday" 之後一兩日被公開, ZDnet o既一篇報導都指出o左呢個未必係一個巧合.

Microsoft o既 Advisory 公佈o左一堆 workarounds, 大家可以去睇睇然後跟住做. 不過其實都係不外乎叫你淨係 allow 相得過o既網站o既 active scripting/ActiveX control (呢兩個可以話係 IE 萬惡之源, 大部分嚴重o既漏動都同佢地扯上關係...), 唔好亂去 d 相唔過o既網站等等. 話明係 workarounds, 呢 d 只係 d 治標唔治本o既方法, 叫做頂住先 lor~

另一個 option 係棄用 IE, 轉用其他瀏覽器. 我推薦o既當然係 Firefox~ 唔係話佢百份百安全, 只係真係出事時佢 d update 出得快好多 je...

2006-09-17

Hello, Blogger in beta!

無意中發現 Blogger 出了 beta 版 , 除o左版面靚o左好用o左之外, 最緊要o既係支援 Label (同 Category 差唔多吧). 我曾經講過, 當 Blogger 支援 Category, 我會考慮轉用 Blogger 的... 最起碼的, 我應該唔會再用o個個又慢又多 ads o既 Xanga 了! 仲有o既係, 「這裡用 Unicode, 這裡冇亂碼!」

Google 萬歲!

不過, 可能某一日, 我都會自己 host 番個 blog. 用住先吧!